Geestelike vereistes
Vir Akkurate Bybel verklaring
Eenvoudige hulp
oor Hoe om die Bybel te verstaan
Hierdie webblad deursoek die Skrif
om te leer en te identifiseer om persoonlike
blokkasies te vervang met geestelike openbaring,
sodat ons nie in dwaling verval nie.
Hoe is dit moontlik dat opregte Christene dieselfde Bybelverse bestudeer, seker is dat hulle God se waarheid gevind het, en tog teenstrydige oortuigings het oor wat God bedoel? Die skokkende waarheid is dat hierdie meningsverskille selfs bestaan wanneer geesvervulde Christene, hoogs ervare Bybelkundiges en teoloë die Skrif verklaar. Ons glo almal dat ons "die Woord korrek vertolk," en tog is dit ontstellend om te weet dat ons teenstrydige verklarings bewys dat die meeste van ons verkeerd is - nie dat ons dit dwaalleer sal noem nie, maar is die God wat ons dien nie die God van waarheid nie? Enige fout sal heel moontlik 'n ongewensde effek hê.
My gebed is dat hierdie webblad eenvoudig maar diepsinnig sal wees. Omdat hierdie opwindende onderwerp van kardinale belang is vir alle Christene het ek teologiese brabbeltaal vermy. Ek moet 'n verborge motief egter bely oor een uitsondering. Ek sal slegs een woord bekendstel wat nuut vir baie lesers sal wees - hermeneutieka, hoewel welbekend aan pastore, predikante, teoloë, en Bybelstudente. Wanneer een van hierdie persone na 'n webblad soos hierdie soek sal hulle heelwaarskynlik "hermeneutieka" in die soekenjin intik. Om dit dus 'n paar keer te noem sal help dat ons mekaar kan vind. Die oorgrote meerderheid van ons wat meer gewone taal gebruik is ewe belangrik vir my en natuurlik vir God. Hermeneutika fokus op verstandelike hulp om die Bybel te verklaar - neem die teksverband in ag, verstaan die era waarin dit geskryf is, en so aan.
Ek is 'n besliste voorstaander van goeie hermeneutieka. Ek het selfs 'n klein boekie oor die onderwerp geskryf. Soos jy egter deur hierdie webblad vorder sal jy toenemend sekerder wees van, hoe belangrik hermeneutieka ookal is, leer die Bybel ons dat die sleutel faktore om die Bybel te verstaan, geestelik is en nie intellektueel nie.
Iemand kan argumenteer dat hermeneutieka wat algemeen in teologiese instellings geleer verstandelike hermeneutieka is - beginsels van Bybelverklaring wat deur beide Christene en nie-Christene waardevol gebruik kan word. Dit is van waarde. Die fokus van hierdie bladsy is egter wat mens geestelike hermeneutieka sou kon noem - onderskeiding van geestelike waarhede om die Bybel volgens 'n metode wat net Christene toegang het tot, en wat net deur hulle verstaan kan word. As hierdie stellings rooi ligte vir jou laat begin flikker, is ek nie verbaas nie. Dit klink onsinnig, en tog sal ons ontdek dat dit herhaaldelik in die Skrif beklemtoon word - die boek wat aanspraak maak op bonatuurlike oorsprong. Ons sal ook ontdek dat hierdie nie 'n rigsnoer vir onsinnige eise en onbevestigde spekulasie is nie. Dis eerder 'n nugtere roep vir Godvresende vreugdevolle, afhanklikheid van die Skepper en Regter van die mensdom vir openbaring en begrip.
Ons weet almal dat "die god van hierdie tyd het die ongelowiges se verstand verblind," (2 Korintiërs 4:4). Dis nie dat daar met hul intelligensie iets skort, of selfs dat hulle 'n tekort aan kennis het nie. Ongelowiges is blootgestel aan verradelike geestelike inmenging wat hulle blind hou vir die waarheid - dieselfde waarheid wat hulle sou vry maak. Sou dit dan beteken dat deur 'n Christen te word 'n einde is van sulke aanvalle? Het ons onmiddelik 'n 20/20 visie wat elke geestelike in die heelal betref? Nee - niks meer as die eerste tree wat 'n avonturier maak om die kruin van Tafelberg te bereik nie. Dit was aan Geesvervulde Christene wat Paulus geskryf het:
Efesiërs 1:17-18 Wanneer ek in my gebede aan julle dink bid ek dat die God van ons Here Jesus Christus, die Vader aan wie die goddelike grootheid behoort, aan julle die Gees van waarheid en openbaring gee sodat julle Hom werklik kan ken. Ek bid dat Hy die oë van julle hart so verhelder dat julle kan weet watter hoop sy roeping inhou, en watter rykdom daar is in sy heerlike erfenis onder dié wat aan God toegewy is . . .
Hierdie was die einste mense vir wie Paulus gesê het dat hulle alreeds 'n plek in die hemel saam met Christus het. ( Efesiërs 2:6) in Christus geseën "met al die seëninge van die Gees wat daar in die hemel is." ( Efesiërs 1:3). Ten spyte van hulle geestelike posisie en insig, het Paulus geweet dat hulle as Christene steeds meer onthullings nodig het. Dit mag sommiges van ons verstom - hy het geweet dat nie sy briewe, of nougesette studie, genoeg was om hulle die openbaring te bied wat hulle nodig gehad het nie. Hy het geweet dat hulle slegs deur aanhoudende gebed, geestelik insig kan verkry.
Jesus was verheug dat die Almagtige sy geheime vir die wyses verborge gehou het [wys in hul eie oë/of in die oë van die wêreld]. In plaas daarvan om om sy geestelike waarhede aan die teologies geskooldes te openbaar, het die Here die uiterste belediging gekies deur die wat so trots is op hul intellek, en die bevrydende geestelike waarhede aan die ongeskooldes geopenbaar.
Matteus 11:25 Daardie tyd het Jesus gesê, "Ek prys U Vader, Here van hemel en aarde, dat U hierdie dinge vir slim en geleerde mense verberg het en dit aan eenvoudiges bekendgemaak het. . . ."
Die "slim en geleerde mense" van wie Jesus gepraat het was nie sekulêre humaniste nie, maar mense wie se hele lewe romdom God en die eerbiedige en nougesette studie van Sy Woord gedraai het. Hulle was die Bybelkenners, teoloë en gesiene predikers van Sy tyd wat so in vervoering geraak het oor hul eie vernuftigheid en vroomheid dat God hulle blind gehou het. Hy het hulle doelbewus vermy en sy geestelike waarhede aan eenvoudige mense bekend gemaak.
Hier volg 'n sleutelvers:
Joh. 9:39 Toe sê Jesus, "Ek het na hierdie wêreld gekom om 'n oordeel te vel, sodat dié wat nie sien nie, kan sien, en dié wat sien, blindes kan word." Party van die Fariseërs wat by Hom was het dit gehoor en vir Hom gesê: "Ons is mos nie blindes nie!" Jesus het hulle toe geantwoord, "As julle blindes was, sou julle nie sonde gehad het nie; maar noudat julle sê "Ons sien" bly die sonde in julle. . . ."
Die Fariseërs se noemenswaardige kennis van die Bybel, en teologiese vaardighede - wat 'n enorme hulp moes gewees het, het die teendeel bewys. Daar word egter gesê dat 'n bietjie kennis gevaarlik is, maar in werklikheid is meer kennis nog meer gevaarlik, omdat dit die kanse verhoog dat jy vanweë hoogmoed verblind word en jy onoortuigbaar word. Jakobus gee die volgende hieroor te kenne:
Jak. 1:22 Wees daders van die woord en nie net hoorders nie, anders bedrieg julle julself. (Nadruk skrywer s'n)
Natuurlik is Bybelstudie van onskatbare waarde, maar hoe meer 'n mens klem lê op die studie van die Skrif, eerder as om dit te leef, hoe beter is die kanse om mislei te word.
Daar is diegene wat die Bybel as 'n instruksie handleiding beskou, en dan is daar diegene vir wie dit fassinerende literatuur is. Die Bybel is 'n liefdesbrief wat sommiges net nog liewer vir die Skrywer laat word. Ander het net die brief lief.
"Die wat kan, doen; die wat nie kan nie, onderrig," is 'n angswekkende moontlikheid. Geen wonder dat Jakobus geskryf het:
Jak. 3:1 Medegelowiges, julle moet nie almal leermeesters wil word nie, want julle weet dat ons wat leermeesters is, strenger as ander beoordeel sal word.
Die Bybel is 'n roetekaart wat kragdadig deur avonturiers gebruik word en terselfdertyd geen effek het op leunstoel "helde" wat dit nooit by die deur uit waag nie, en tog baie trots is op hul vermoë om kaarte te lees.
Elke sportsoort het sy kampioene, en sy ondersteuners wat roem oor hul verstommende kennis oor die spel. Watter een van die twee wil jy in die spel van die lewe wees?
Dink aan iemand wie se Bybelkennis skrikwekkend min is, maar tog met die min wat hy weet, bereik hy veel meer deur God as 'n Professor. Watter een van die twee sou God as oningelig ag?
Die antwoord lê natuurlik nie om die Bybel minder te bestudeer nie, maar om dit meer te leef.
Psalm 119:11 Ek het U woord in my hart gebêre . . .
Hoekom? Om kennis te versamel? Nee. The psalmis gaan voort:
. . . dit weerhou my van sonde teen U.
Sy doel was nie om 'n Bybelvasvrae te wen nie. Sy doelwit met Bybelstudie was om seker te maak dat hy nie dalk iets sou doen wat God ongelukkig kan maak nie. ". . . laat my nie afwyk van U gebooie nie," het hy gebid ( Psalm 119:10)
Weer lees ons:
Josua 1:8 Hierdie wetboek moet die rigsnoer wees vir alles wat jy sê; oordink dit dag en nag
Hoekom?
. . . sorg dat jy alles uitvoer wat daarin geskryf staan. Dan sal jy slaag in wat jy moet doen, jy sal suksesvol wees. (Nadruk skrywer s'n)
Josua het die wonderlike opdrag ontvang om die Skrif te laat insink - nie sodat hy met kennis gevul moes word nie maar om hom in staat te stel om die Skrif te leef.
Nog 'n maal lees ons:
Deuteronomium 29:29 Wat nie geopenbaar is nie, is bekend aan die Here ons God, maar wat geopenbaar is, is vir altyd bekend aan ons en ons nageslag . . .
Hoekom?
. . . want ons moet lewe volgens al die woorde van hierdie wet.
In die gelykenis waar Jesus vertel van die een man wat sy huis op die sand en die ander een op die rots gebou het, het albei Jesus se lering geken. (Matteus 7:24-27). Hulle het nie verskil in geestelike kennis nie. Dit was wat hulle met hierdie kennis gedoen het wat hulle sulke uiteenlopende bestemmings gegee het.
Ons het Jesus aangehaal waar Hy vir die Fariseërs gesê het, "As julle blindes was sou julle nie sonde gehad het nie, maar noudat julle sê 'ons sien', bly die sonde in julle. . . ." Daar kon vir hulle groot hoop gewees het as hulle maar net die nederigheid gehad het om te erken hoe min begrip hulle gehad het.
Elke Christen weet dat, alhoewel God verlang om ons van al ons sonde te vergewe, moet ons eers ons sonde erken, vir ons Verlosser om dit te kan vergewe. God verlang ook netso om ons oë vir geestelike waarhede oop te maak - maar ons moet eers ons blindheid erken. 'n Goedgunstige oogarts mag gretig wees om ons visie verniet reg te stel, maar sy hande is afgekap as ons weier om te herken dat ons sy hulp nodig het, of te trots is om 'n bril te dra.
Vir diegene met goeie Bybelvaardighede is dit moeilik om geestelike blindheid te erken. Verseker is die Bybel nie die probleem nie, maar die persoon se ingesteldheid. Dit is so moeilik vir 'n persoon wat ryk is aan geestelike kennis om verder in die Koninkryk van God te vorder omdat dit so moeilik is vir só 'n persoon om raak te sien hoe min hy werklik weet en hoe dringend hy geestelike ingryping nodig het in sy begrip van die Bybel.
1 Kor. 8:2 As iemand meen hy het kennis van iets, het hy nog nie die kennis wat 'n mens behoort te hê nie.
Dieselfde geld om verhewe morele standaarde, en toewyding te hê. Dit was aan mense met hoë morele waardes wat Jesus gesê het, "die belastinggaarders en prostitute gaan eerder as julle in die koningkryk van God in." (Matteus 21:31).
Ons durf dit nie waag om ons toewyding aan God en die bestudering van Sy woord te verslap nie. Maar as ons gaan begin dink dat die sleutel tot geestelike insig ons pogings eerder as God se genade is, is ons in lewensgevaar wat betref geestelike blindheid. Dit word dan gelykstaande aan die die verhaal van die skilpad en die haas - die met min Bybelse kennis wat die teologiese meerderes verbysteek.
Ons moet onsself vorm na die skrywer van Psalm 119. Sy kennis van God se woord en sy toegewydheid daaraan was so ontsaglik en tog het hy 'n nederhigheid behou deur te bly bid vir steeds meer begrip, en by God gesmeek om nie die ware betekenis van die Skrif van hom te weerhou nie, iets wat almal gedink het hierdie man reeds als van weet. Hier is 'n man na God se hart; een wat nie toelaat dat sy baie geestelike kennis in die pad van sy geestelike groei staan nie.
So in harmonie met God dat hy besig was om self Skrif te skryf toe hy gesê het: "laat my tog nie sonder U gebooie wees nie" (Psalm 119:19).
Wanneer die Almagtige dit verkies om 'n waarheid van iemand te weerhou sal nie die slimste intellek of die beste hermeneutieka in die wêreld help nie. En enigeen wat dink dat hy/sy te verhewe is om in misleiding te verval, is alreeds bedrieg.
Hoe krities 'n persoon se verstandelike beskouing ookal is, vervaag dit in betekenis in vergelyking met die swetterjoel geestelike faktore wat Bybelse verklaring beïnvloed.
Om 'n diepsinnige waarheid in 'n paar woorde te distilleer:
Terwyl die teoloë onbewus was van die geboorte van hulle Messias, het skaapwagters 'n goddelike uitnodiging ontvang om baba Jesus te aanbid. Die Hemel se databank is vol van soortgelyke verhale.
Wanneer geestelike waarheid nagestreef word,
is die Bybel God se lens.
Daarsonder kan ons nie duidelik sien nie.
Maar God is die lig.
Sonder Hom kan ons niks sien nie.
Ek is nie genoeg mislei (maar ek is seker die duiwel werk daaraan) om van mening te wees dat ek minder vatbaar vir foute is as ander toegewyde Christene nie. My gebed is eenvoudig dat ons saam, al die redes sal ontdek waarom Christene tot soveel uiteenlopende gevolgtrekkings kom (om ten minste te bewys dat sommiges van ons verkeerd is) terwyl ons opreg na die waarheid uit dieselfde Bybel soek. Die doel van hierdie webblad is om te leer hoe om ons ontvanklikheid vir geestelike foute te verlaag. Niks kan belangriker wees nie en tog blyk dit 'n verwaarloosde onderwerp te wees.
Ek kan myself nie indink dat alle Christelike akademiese instellings daarvoor geval het nie, maar die versoeking hang oor hulle om die opleiding op die verstand te konsentreer en die feit dat korrekte Bybelse interpretasie 'n aktiwiteit net so geestelik as gebed, of om geestelike leiding te ontvang, gering te skat. Enige poging om Bybel vertolking te verlaag tot 'n akademiese oefening is voortbestem om te misluk.
Hermenetieka is optimisties gedefinieër as die wetenskap van Bybelse interpretasie. Een van die kern elemente van wetenskap egter, is dat wanneer 'n eksperiment of waarnemings deur onderskeie personeel herhaal word, dieselfde resultate verkry word. Dit gebeur nie met die Bybel nie omdat ware Bybel interpretasie nie 'n koue wetenskap is nie, maar dat dit draai om 'n interpersoonlike verhouding tussen twee komplekse wesens - onsself en God.
Met my vroeë volwasse jare wat gevul was met gedragswetenskap; en algemene wetenskap, wat my steeds aanhou fassineer, is ek 'n wetenskap entoesias. In die konteks van Bybel interpretasie egter, behoort die woord "wetenskap" alarms te laat afgaan, as waarskuwing aan ons dat dit 'n poging is om moderne westerse denkwyse voor te skryf op 'n geestelike oefening wat God aan die mensdom toevertrou het nog lank voor die ontstaan van westerse wetenskap. Alhoewel tye verander, lewe ons steeds in 'n era waar meniges verblind is deur die krag van die menselike verstand, eerder as geestelike sake. Christene is nie imuun teen hierdie deurdringende en potensiële verdorwe verwarring nie.
1 Kor. 3:18 Niemand moet homself mislei nie. As een van julle dink dat hy volgens die maatstaf van hierdie wêreld 'n wyse man is moet hy 'n "dwaas" word sodat hy werklik 'n wyse mens kan word, want die wysheid van hierdie wêreld is dwaasheid by God. Daar staan tog geskrywe: "Hy vang die slimmes met hule eie slinkse planne."
Akkurate interpretasie van die Bybel word nie soos 'n gepersde blom tussen die omslae van die Bybel gevind nie. Korrekte interterpretasie van die Bybel word gevind deur 'n lewendige verhouding - openlike, intieme kommunikasie - met die Skrywer. Bybelse waarhede word ontdek deur die persoon te leer ken, want die Waarheid is 'n persoon - die Here Jesus Christus. Ek is 'n voorstaander vir studie, maar dit is belangrik dat ons nie sal toelaat dat 'n intellektuele benadering tot die Bybel verlaag na 'n steriele studie wat veronderstel is om die toppunt van heilige intimiteit te wees nie. Dis soos om te probeer om romantiek te verlaag na chemiese vergelykings. Om die Skrif korrek te vertolk is so intiem as wat dit is om jou geliefde se asem in jou nek te voel terwyl hy sy diepste geheime met jou deel.
Om hermeneutieka agterweë te laat sou 'n fout wees, maar die beste hermeneutieka is nie genoeg nie. Dis waarom die Skrif ons nie lesse in hermeneutieka gee nie, maar eerder geestelike en hartsake beklemtoon. Om die waarheid te sê, is een van die frustrasies van moderne Bybelkenners dat selfs die geïnspireerde skrywers van die Skrif gereeld nie eers die beginsels van Bybel interpretasie wat deur vandag se teoloë voorgeskryf word, gevolg het nie!
Joh. 5:39-40 Julle ondersoek die Skrifte omdat julle dink dat julle die ewige lewe daardeur sal kry. En dis juis die Skrif wat oor My getuig. Tog wil julle nie na My toe kom sodat julle die lewe kan hê nie.
Sommige van hierdie Bybelstudente wou Jesus dood gehad het. Selfs na sy opstanding kon baie van hulle die Ou Testament eerbiedig lees en nie besef dat dit wys na hul Messias, Jesus nie. Ons neig om so geestelike verhewe teenoor hulle te voel as wat hulle verhewe bo dié gevoel het wat die profete vermoor het. In werklikheid, ondanks ons aansprake om geesvervuld te wees, as ons ons geheue so kan afbreek na die inligting wat hierdie Jode gehad het - die Ou Testament en die skrale feite oor Jesus, sonder enige verduidelikings - sou meeste van ons, net soos hulle, baie van Jesus se vervullings van die Skrif misgekyk het.
Hoeveel van ons sou byvoorbeeld Herodus se babaslagting in Betlehem, of klein Jesus se tyd in Egipte, of Sy grootword in Nasaret, sien as Skrif wat vervul is? (Matteus 2:14-23)? Sou ons opgelei wees in hermeneutieka, is dit juis meer verseker dat ons meeste van die Ou Testamentiese sinspelings sou mis. Ons is nie so verskillend van daardie geestelik blinde Jode as wat ons dink nie.
Die Heilige Gees mag ons leermeester wees, maar dit beteken nie die einde van geestelike onkunde nie - nes om by 'n Mediese instituut op te daag nie van ons 'n top chirurg maak nie. Hoe goed luister ons na ons Leermeester? Tot watter mate volg ons Sy instruksies? Hoeveel maal doen ons ons eie ding of vul ons gedagtes met die instruksies van swak leermeesters?
Om die Bybel korrek te vertolk of uit te lê is net so bonatuurlik en net so afhanklik van die Heilige Gees as wat die oorspronklike skryf van die Bybel was.
2 Petrus 1:20-21 Dít veral moet julle weet: geen profesie in die Skrif kan op grond van eie insig reg uitgelê word nie, want geen profesie is ooit deur die wil van 'n mens voortgebring nie. Nee, deur die Heilige Gees meegevoer, het mense die woord wat van God kom, verkondig.
Die Bybel is 'n boek met bonatuurlike oorsprong, Goddelik bestem om slegs deur mense wat uit die bonatuurlike kan tap, verstaan kan word.
Sonder goeie hermeneutieka sou ons saam met die feetjies wees, maar sonder persoonlike Goddelike verligting, sal ons net so verlore wees. Die Bybel is ons kaart, die Heilige Gees is die gids. Die kaart se skaal is so groot dat ons die gids nodig het. Die gids fluister so saggies dat ons die kaart nodig het om te bevestig of ons reg gehoor het of nie. Sonder noulettende aandag aan albei sal ons verlore raak. Dis nie weens 'n onvolmaaktheid by enigeen van die twee nie, maar dit was nog altyd die bedoeling dat hulle sou saamwerk.
"Julle dwaal omdat julle nie die Skrif en ook nie die Krag van God ken nie," berispe Jesus (Matteus 22:29). Ons swel van trots. Jesus se teregwysing is nie op ons van toepassing nie! Hy gaan dan voort deur te sê dat God vir Moses gesê het, "Ek is die God van Abraham, die God van Isak en die God van Jakob" 'n bewys dat die dooies opgestaan het. Wie van ons sou dit in die Skrifgedeelte so ingesien het?
Van dié Jode wie se intense Bybelstudie hulle eintlik verhoed het om Christene te word, het Paulus geskryf:
2 Kor. 3: 14-16 Hulle verstand was ook toe, en vandag nog bly hulle verstand met dieselfde sluier toegemaak as hulle die Ou Testament lees, maar die sluier word deur Christus weggeneem vir iemand wat in Hom glo. Maar vandag nog elke keer as die wet van Moses voorgelees word, is daar 'n sluier oor hulle verstand. Van Moses sê die Skrif egter: Elke keer as iemand hom na die Here wend, word die sluier weggeneem.
Diegene wat so tragies verkeerd was in hul begrip van die Skrif, het nie intelligensie of kennis gekort nie. Hulle was inteendeel verhewe in albei in vergelyking met meeste Christene. Soos Paulus geskryf het:
1 Kor. 1:19-29 Daar staan tog geskrywe: "Die wysheid van die wyses sal ek vernietig en die geleerdheid van die geleerdes sal Ek tot niet maak." Waar is die wysgeer van hierdie wêreld nou? Waar is die Skrifgeleerde? Waar is die debatteerder van hierdie tyd? Het God nie die wysheid van die wêreld tot onsin gemaak nie? Dit was die bedoeling van God in Sy wysheid dat die wêreld nie deur geleerdheid tot kennis sou kom nie. Daarom het God in Sy goedheid besluit om deur die prediking wat vir die wêreld onsin is, dié te red wat glo . . . Nie baie van julle was volgens menslike standaarde wys nie; nie baie was invloedryk nie . . . God het die eenvoudige dinge van die wêreld gekies om die wyses skaam te maak . . . sodat niemand voor Hom kan roem nie.
Dit was nie intelligensie of kennis wat hierdie Jode verblind het vir die waarheid nie, maar 'n geestelike blokkasie, wat hulle blindheid tot gevolg gehad het.
1 Kor. 2:9-14 Maar soos daar geskrywe staan: "Wat die oog nie gesien het en die oor nie gehoor het nie en wat geen mens bedink het nie . . . maar aan ons het God dit deur die Gees bekend gemaak. . . ." Die Gees wat ons ontvang het, is nie die geees van die wêreld nie, maar die Gees wat van God kom. So weet ons wat God ons uit genade geskenk het. . . . Die mens wat nie die Gees van God het nie aanvaar nie die dinge van die Gees van God nie. Vir hom is dit dwaashede hy kan dit ook nie verstaan nie, omdat dit geestelik beoordeel moet word. (Nadruk skrywer s'n)
Ons het so pas aangedui dat die Gees gegee is sodat "ons kan verstaan" (1 Kor. 2:12) en Hand. 5:32 vertel vir ons dat gegee word aan die wat aan Hom gehoorsaam is. Hierdie twee waarhede gekombineer vorm iets na aan wat ek 'n sleutel insig van Jesus beskou:
Joh. 7:17 As iemand gewillig is om die wil van God te doen, sal hy weet of hierdie leerinhoud van God af kom, en of Ek uit meye eie praat.
Jesus sê dat of God iemand bonatuurlike insig gee oor die oorsprong van die onderrig van Jesus, hang af van die persoon se gewilligheid om God se wil te doen. Ons vind dit ook op 'n ander plek sterk na vore kom:
Eseg. 12:2 Mensekind, jy woon tussen 'n weerbarstige volk. Hulle het oë om te sien, maar hulle sien nie. Hulle het ore om te hoor, maar hulle hoor nie, want hulle is 'n weersbarstige volk.
Let op die sterk verband tussen weerbarstigheid (weerstand teen die wil van God) en 'n onvermoë om geestelike waarheid te sien en te hoor. Dit verklaar menige blokkasies tot geestelike insig. Is ons bereid om enige prys te betaal om God se wil te doen? Tot watter mate kies ons om onsself te verloën, bloed te sweet, terwyl ons snik: "nie my wil nie, maar U s'n" en dan ons kruis op te neem en ons Here te volg na 'n martelaarsdood - vir God se ontwil? Dit bepaal grootliks hoe na aan geestelike waarheid God ons sal hou.
Omdat korrekte Bybelverklaring nie 'n produk van intellektuele vaardighede is nie, maar wel van geestelike openbaring, dat ons Skrifgedeeltes het soos:
Deut. 29:4 En tog het die Here tot nou toe nie vir julle verstand gegee om te verstaan, oë om te sien, en ore om te luister nie.
Jesaja 29:10-11 Want die Here het julle in 'n diep slaap laat wegsak: die profete moes julle oë wees en die sieners julle koppe, maar julle oë is nou toe en daar is 'n doek om julle koppe. Elke openbaring is nou vir julle soos die woorde in 'n verseëlde boek. . . .
Matteus 13:10-16 Die dissipels het vir Jesus kom vra, "Hoekom gebruik U beeldryke verhale as U met die mense praat?" Hy het hulle geantwoord, "Aan julle is dit gegee om die geheime van die Koninkryk van die hemel te ken, maar aan hulle is dit nie gegee nie. Wie die ore wat hy het gebruik, vir hom sal nog meer insig gegee word, en hy sal oorvloed hê, maar die wat die ore wat hy het, nie gebruik nie, van hom sal ook die bietjie insig wat hy het, weggevat word. Om hierdie rede praat ek met hulle in beeldryke verhale, omdat julle kyk maar nie sien nie, en hoor maar nie luister nie en verstaan nie. In hulle geval word die boodskap van Jesaja vervul wat sê: 'Julle sal aandagtig luister en tog niks verstaan nie, en kyk en kyk en tog niks sien nie. Want hierdie volk se hart het traag geword: met julle ore hoor hulle swaar, en hulle het hulle oë toegemaak sodat hulle nie met oë kan sien en met hulle ore kan hoor en met hulle hart kan verstaan en hulle bekeer, en ek hulle gesond maak nie.' Maar julle oë is bevoorreg dat hulle kan sien, en julle ore dat hulle hoor.. . . ."
Ons is gedurig in die versoeking om die waarskuwings in die Bybel te verontagsaam met die idee dat dit op ander van toepassing is en nie op ons nie. So asof, deur 'n Christen te word ons immuun maak teen misleiding op geestelike blindheid. Na aanleiding wat Jesus hierbo gesê het mag ons dalk dink dat die dissipels nooit 'n verharde hart kon ontwikkel nie. Trouens, hulle was deur Christus persoonlik uitgekies, die paar bevoorregtes aan wie "die kennis van die geheime van die koninkryk van die hemel gegee is." Dit was die ander wat oë gehad het wat nie kon sien nie en ore wat nie geestelike waarheid kon hoor nie, reg? Wel, lees die volgende:
Markus 8:17 . . . "Waarom praat julle daaroor dat julle nie brood het nie? Begryp en verstaan julle nog nie? Het julle nog julle verharde harte? . . ." Julle wat oë het sien julle dan nie? Julle wat ore het, hoor julle dan nie? . . .
Dit maak nie saak hoe na aan Jesus en geestelik bevoorreg ons mag wees nie, ons is nie so verhewe dat ons nie in geestelike blindheid kan verval nie. Geestelike blindheid wat ons laat ophou om geestelike waarhede te sien wat ons verskriklik nodig het om te weet.
Om "altyd te hoor maar nooit te verstaan nie" is 'n skrikwekkende toestand, veral wanneer dit nie gesê word oor 'n geval waar ons probeer uitmaak hoe 'n video masjien werk nie, maar waar dit betrekking het tot geestelike waarheid. Dit was nie van toepassing op intellektuele gestremdes nie, maar van toepassing op Israel se top Skrifgeleerdes. Om jou brein te oefen is belangrik, maar om die Bybel te verstaan is só 'n intensiewe geestelike oefening, dat die toestand van jou hart en gees meer krities is as jou verstand. Oorweeg die volgende Skrifgedeeltes as voorbeeld:
Markus 6:51-52 Hy het toe by hulle in die skuit geklim, en die wind het gaan lê. Hulle was heeltemal uit die veld geslaan, want hulle het nie werklik verstaan wat die vermeerdering van die brood beteken nie; hulle harte was verhard. [Met ander woorde hulle harde harte het hulle gekeer om uit vorige openbaring te kon onderskei wie Jesus regtig was]
Lukas 24:45 Toe het Hy hulle verstand geopen [maw, dit het 'n aksie van God geverg] om die Skrifte te verstaan.
Joh. 16:13 Wanneer Hy kom, die Gees van die waarheid, sal Hy julle in die hele waarheid lei. . . . Hy sal my goddelike grootheid laat blyk, want wat Hy van my ontvang, sal Hy aan julle verkondig.
Jesus se onderrig deur middel van gelykenisse het sy luisteraars beetgevat. Asof dit nie genoeg was om volgelinge te verloor nie, het Hy selfs dinge gedoen wat mense wat die Skrif ondersteun het, beledig het. Hy het byvoorbeeld in menige se oë opsetlik een van die Tien Gebooie herhaaldelik verbreek deur te kies om op 'n Sabbat te genees (wat teen sononder verby sou wees) in plaas van om eerder te sê, "Kom binne 'n paar uur terug." Hy het doelbewus walglike goed gesê sonder om Homself eers te verduidelik, soos toe Hy gesê het, "Dit verseker ek julle: As julle nie die liggaam van die Seun van die mens eet en Sy bloed drink nie, het julle nie die lewe in julle nie" (Joh. 6:53).
Jesus se benadering was nie 'n "een-van" vir God nie. Jesus het gekom om die hart van die Vader bekend te maak, en dit het Hy gedoen selfs in Sy keuse van onderrig metodes. Net soos Jesus se leringe, het die Almagtige die hele Bybel doelbewus aanstootlik gemaak vir die intellektueles en maklik om dit verkeerd te interpreteer en moeilik om te verstaan. Eintlik is die hart van die Christendom - die kruis - net so:
1 Kor. 1:23 maar ons verkondig Christus, die gekruisigde. Vir die Jode is dit 'n struikelblok, en vir die nie-Jode is dit dwaasheid.
Ons Here het geestelike waarhede, en selfs bekering doelbewus afstootlik gemaak vir diegene wat roem oor hul wysheid of vroomheid. Hy doen dit omdat Hy verlang dat ons opreg sal wees - soos dit sigbaar word deur ons opregtheid en nederigheid - en Hy het 'n hartstogtelike begeerte na intimiteit met ons. Dit is nie intelligensie of trotse eie waan wat Hy eer nie, maar geloof, opregtheid, en nederigheid.
Toe Petrus verklaar dat Jesus die Messias is, die Seun van God, het Jesus gesê dat hierdie openbaring nie deur mense na Petrus gekom het nie maar van God self. (Matteus 16:17). Dit is hoe openbaring tot stand kom. Dit kom nie van vlees en bloed nie, ook nie van eie wysheid nie, maar van God af. Ware openbaring is altyd getrou aan die Skrif, en kom gewoonlik deur of uit die Skrif - deur nougesette studie van die Woord - maar dit kom van die Gees se vertolking van die Skrif af, nie van ons menslike pogings van vertolking nie.
Aangesien die Bybel God se Woord is en nie ons s'n nie, is dit Sy voorreg om dit te gebruik hoe Hy ookal verkies. Dit sou tipies wees van die Here - jy kan dit amper sy sin vir humor noem - om aan 'n eenvoudige persoon waardevolle insigte te openbaar wat 'n teoloog totaal gemis het, en verbysterd laat. Selfs deur die Skrifgeleerde aanstoot te gee deur die gewone mens 'n waarheid te laat ontdek deur die Skrif uit konteks te neem.
Ons mag dalk nie beelde van klip aanbid nie, maar vir hoeveel slim en volwasse Christene is die volgende van toepassing? "Hulle gee voor dat hulle verstandig is, maar hulle is dwaas." (Romeine 1:22)?
Voor só 'n God kan ek net in liefdevolle aanbidding neerval en verklaar:
Romeine 11:33-34 O die diepte van die rykdom en die wysheid en kennis van God! Hoe ondeurgrondelik is Sy beslissings, hoe onnaspeurlik Sy metodes! Wie het tog al ooit geweet wat die Here dink? Wie kon al ooit Sy raadgewer wees?"
Lukas 9:22 En Hy het gesê, "Die Seun van die mens moet baie ly, deur die familiehoofde, priesterhoofde en Skrifgeleerdes verwerp word, en Hy moet doodgemaak word, en op die derde dag opgewek word."
'n Week of so later het Jesus gesê:
Lukas 9:44-45 "Wat julle betref, hou hierdie woorde goed in gedagte; Die Seun van die mens gaan in die hande van mense oorgelewer word. Maar hulle het hierdie uitspraak nie verstaan nie. Die betekenis daarvan was vir hulle bedek sodat hulle dit nie kon begryp nie, maar hulle was te bang om Jesus daaroor uit te vra.
Nege hoofstukke later, was Jesus steeds besig om hulle oor Sy lyding te onderrig, en hulle begrip was steeds zero!:
Lukas 18:31-34 Jesus het die twaalf opsy geneem en vir hulle gesê: "Kyk ons gaan nou Jerusalem toe, en alles wat die profete oor die Seun van die mens geskryf het, sal daar bewaarheid word. Hy sal uitgelewer word aan die heidene; hy sal bespot en beledig word; hulle sal op Hom spoeg en Hom gésel en Hom daarna doodmaak. En op die derde dag sal Hy uit die dood opstaan." Maar van hierdie dinge het hulle niks begryp nie. Die woorde was vir hulle duister en hulle het nie verstaan waaroor Hy praat nie. (Nadruk skrywer s'n)
In Lukas alleen is hierdie die sewende keer dat Jesus van Sy lyding praat (Skrif). Sonder twyfel was deel van hulle probleem dat hulle nie besef het dat dit wat Jesus gesê het letterlik was nie. Hulle onvermoë om te verstaan is van groot waarde vir ons want as hierdie gekose manne God se geestelike waarhede kon mis, kan ons ook. In die volgende webblad ondersoek ons hierdie belangrike saak verder.
Ander Temas